Дэлгэрэнгүй
Татаж авах Docx
Дэлгэрэнгүй уншаарай
Та нар уурлах болгондоо гурав, дөрвөөс, долоон удаа гүн амьсгаа авахыг хичээж, дараа нь ярилц. Эсвэл, “Түр хүлээж бай.” гээрэй. Нойлын өрөөнд ороод угаа. “Тийм, тийм, тийм, түр хүлээгээрэй, би явах ёстой.” Тэгээд нойлын өрөөнд орж өөрийгөө угааж, хүйтэн ус цацаарай. Таван (Ариун) Нэрсээ уншиж, Их Багшид залбирч, гэрч ирээд ахиад ярилцаарай.(Гэхдээ бидний тухай биш, учир нь зарим хүмүүс Багшийн ажлыг устгадаг. Тэр тохиолдолд нөхцөл байдлаас болж бид уурладаг.) Устгадаг аа? (Жишээлбэл юмсыг бид ийм байдлаар, сайхан замаар болгохыг хүсэж байтал (За.) тэд өөрсдийнхөө хүссэнээр хийчихдэг.) Мэднэ ээ, мэднэ. (Жишээлбэл. Тэгээд биднийг олж мэдэх үед хэт оройтсон байдаг.) Өө тэгдэг. (Тэгээд...) Тэгвэл тун тоогүй. (Тун тоогүй.) Хэт оройтсон байвал март даа. Яалтай билээ? Дэндүү оройтсон. (Гэвч, жишээ нь би дунд нь орчихсон байвал.) Өөрчлөх боломжтой юу? (Өөрчлөх боломжтой.) Тэгвэл тэдэнд учирлаад ярь, “Гуйя, ийм болчихжээ, тун тоогүй шүү.” Яагаад энэ нь сайнгүйг, мөн яагаад өөрийн тань арга зам зөв гэдгийг тайлбарлаарай. Аль чадахаараа учир логиктой хэлээрэй, учир нь гадагш гарахад тань хүн бүр “Өө, Тонг ирж байна, хөөх! Тийм ээ, тийм, түүнийг сонсоцгооё.” гэдэггүй. Мэдээж үгүй.Хаа сайгүй маяа бий. Тэд гутлын минь хажууд, мөрөн дээр тань гээд хаа сайгүй байдаг. Тэнд тусгайлан хүлээж буй. Төрөхөөс тань өмнө та нарыг гарч ирэхийг хүлээгээд тэнд сууж байдаг. Тиймээс хамгийн таагүй зүйлд бэлтгээрэй. Үргэлж саад гарна гэдгийг санаарай. Энэ нь сөрөг сэтгэлгээ биш юм шүү, харин ч учир логиктой. Энэ дэлхий бол сөрөг дэлхий. Өөр яах ч билээ? Тэд бүгд л чөтгөрийн талд ажиллаж буй. Маяад ажиллаж байгаа. Миний төлөө ажилладаггүй. Тэд харанхуй мунхаг учраас миний эсрэг ажилладаг. Тийм учраас би энд ирэх ёстой. Тийм учраас та нар гараад аль чадлаараа үүнийг давж тэмцэх учиртай. Заримдаа та нар ялна, заримдаа ялагдана, хамаагүй. Зүгээр. Заримдаа Их Багшийн ажил жигд, амжилттай байх ч заримдаа хүмүүс саад хийж, үүнийг тань устгадаг. Бид үргэлж амжилт олдоггүй. Би дандаа амжилттай байсан бол сайхан гэгч нь сууж байх байлаа.Гаднын хүмүүсийн зарим нь Асурын Төвшнөөс ч доор. Манай авшигтнуудын зарим нь хүртэл Асурын Төвшнийх. Зарим нь бүр хүмүүний стандартаас ч дор, надад итгэ. Тамаас жаахан л дээр байдаг. Би тэднийг аврах боломжгүй биш ч амаргүй ажил шүү. Шавь нарын заримынх нь ухамсрын төвшин миний нохой-, шувуу(-хүмүүсээс) ч дор миний хамгийн доод төвшний нохой-, шувуу(-хүмүүсээс) ч дор, эсвэл бүр гаднах нохой-, гаднах муур-, гаднах шувуу(-хүмүүсээс) дор. Тэд тамаас арай жаахан дээрх төвшинд байрладаг, арслан-, бар(-хүмүүс) гэх мэт араатан амьтдын төвшин. Тэд шууд тэндээс ирсэн байдаг. Дөнгөж арслан- эвсэл хорт могой- юм уу бар(-хүмүүс) байж байгаад хүн төрлийг авсан. Тэднээр яалгах гээ вэ? Яагаад ч юм тэд жаахан буян хурааж, хүний төрлийг олсон. Маш хурдтай хувьсаад хүний төрлийг олсон ч тэндээ байсаар байдаг. Дээрээс нь бас тэд зарим шавь нартай өмнө нь холбоотой байсан болохоор ороод ирдэг. Тийм учраас таван үе нь дэвшдэг гэдэг юм. Тэд холбоотой учраас бид тэднийг тамаас ч дэвшүүлдэг. Ойлгож байна уу? Тав, долоо, ес. Тав гэдэг бол зүгээр тоо.Тэгэхээр би хүртэл зарим бараг л тамын мэт шавь нартай биечлэн ажилладаг. Тийм байхад та нар яаж тэгэхгүй байх вэ? Тэд хаа сайгүй бий. Тэгээд тэд жаахан ажил хийдэг ч, талыг нь сүйтгэж, талд нь тусалдаг ч дараа нь дэвших боломжтой хэвээр. Бүгд өөртэй тань адил төвшинд байх боломжгүй. Харамсалтай нь үгүй. Тиймээс чадлаараа хичээ. Түүнд учирла, эелдэг зөөлөн хандах шаардлагатай бол зөөлөн ханд, хатуу байх шаардлагатай бол хатуу бай. Хэн нэгнийг загналаа гээд та муу хүн гэсэн үг биш. Үгүй, зарим хүнд тийм зүйл хэрэгтэй байдаг. Үүнийг мэдрэх шаардлагатай, “Би энэ хүнийг яах вэ?” гээд Их Багшид залбираарай. Тэгээд хариу аваад, үйлд. Түүнд эелдэг хандах эсэхийг хар. Зарим хүнд эелдэг зөөлөн хандах хэрэгтэй байдаг. Заримд нь жаахан хатуу хандаж загнаж сэрээх шаардлагатай, эсвэл тэд... Ямар нөхцөл байдал гэдгийг хар.Та нар гадагш гарахаараа энгийн амьдрахыг хичээгээрэй, хүмүүсийн орон дээр бүү унт. Би үүнийг хэлсэн, ахиад хэлье. Амьд байхад тань хангалттай хэмжээнд л ид. Тэгээд л гүйцээ. Их хэмжээний хоол өглөө ч хэрэгтэй хэмжээгээр л идээрэй. Тэгээд хэт ихээр биш цөөн хэдэн зүйлс идээрэй. Хааяа нэг бол зүгээр, гэвч өдөр болгон хаан шиг олон зуун төрлийн юмс идэх хэрэггүй. Тэгвэл сайнгүй. Хэт их будилуулам үйлийн үр дотор нь бий. Биед тань будилам хэт олон ухамсрын төвшин бий болно. Сүнслэг дэвшилд тань муу, эрүүл мэндэд тань ч тусгүй.Эрдэмтэд хүртэл тэгж хэлнэ. Бид хэт их холилдсон юмс иддэг. Бие махбод тань зохицож чаддаггүй. Энгийн зүйлс идэх нь та нарт сайн гэж хэлдэг. Би хязгаарлаагүй ч, та нар хийсэн болгондоо төлөөс төлдөг. Гуравдугаар Төвшний гэгээнтэн байлаа ч төлдөг. Өөр өөр байдлаар төлдөг. Ядаж л та нар унахгүй болсон. Тэр бол хангалттай сайн. Үйлийн үрийн Эзэн – “Баяртай.” Тэр дээшээ хараад шүлсээ гоожуулан, “Би алдчихлаа” гэж байгаа. Тэр тэгэх л боломжтой.Өөр асуулт байна уу? Битгий ай. (Багш аа, Тайваньд (Формосад) Багшийн номыг гаднын хүмүүс авч болох эсэхийг олон хүн асууж байгаа гэсэн. Тиймээс бид сайн худалдааны төлөөлөгч хайж байгаа.) Тийм, тийм, тийм. (Саяхан нэгийг олсон.) За. (Мөн бид Багшийн номуудыг гаднын хүмүүс худалдан авах боломжтой болгохоор төлөвлөж байна. Тэгж болох уу?) Болно оо. (Би тэгье гэж бодож байгаа.) Тийм ээ, зөвхөн барилдлагатай хүмүүс л худалдаж авах учраас санаа зоволтгүй. (За.) Тэд авахгүй байсан ч зүгээр дээ, тэнд зүгээр л байж байна. (За.) Ямар ч гэмгүй. Тэнд байж байхад, хүмүүст барилдлага үгүй бол тэд бас авахгүй учраас санаа зоволтгүй. Өөр юу билээ? (Тайваний (Формосан) хамгийн том номын дэлгүүр Их Багшин номыг худалдаалах хүсэлтэй байгаа.) За, хамаагүй. (Гайхалтай.) Тэд өөрсдөө асуусан уу, өөрсдөө ирж асуусан уу? (Худалдааны төлөөлөгч ирээд асуусан.) За тэгвэл болно. Зүгээр. (За. Баярлалаа, Багш аа.)Та нар дандаа залуу харагдах юм. Зөвхөн би л цагаан үстэй болж хөгширчээ. Та нарыг чадлаараа хичээж буйг тань би мэднэ. Заримдаа харин үйлийн үр тань харааг тань манантуулж, эрүүл ухааныг тань булингартуулдаг болохоор та нар яахаа мэддэггүй. Та нар хичээдэггүй юм биш. Тиймээс дараагийн удаа ахин дахин санахыг хичээж, эгэл даруу байж, залбираарай, тэр л та нарыг аварна. Эгэл даруу байж, залбирч, бас ажилла. Мэдээж бясалга. Тийм. (Хэрхэн туслах сүүлчийн алхам бол Багшид залбирах гэдгийг би мэднэ.) Ядаж л тийм даруу зан танд байна. Тэгвэл сайн. Сайн байна. Энэ бол хамгийн сайн эм. (Бардам зангаа хаяад (За,) Их Багшид залбирч эгэл даруу бай, (Сайн байна,) “Өө, би тэвчихгүй нь, Багшийн тусламж хэрэгтэй.”) Аан за. Залбирал гэмгүй.Та нараас хэд нь 70 хувьд, оройд нь хүрч дэвшсэн бэ? За, босоод зогсоорой, хараадахъя. Зүгээр дээ. Та нарт зүгээр бол босоод зогсоорой. Алив. (Биднээс үү?) Тийм! Энэ дөрөв аваргууд! Сайн байна. Сайн байна. Эхний шагнал. (Бүгдийг нь Багш өгсөн. Баярлалаа.) За. Тийм ээ, сайн байна. Сайн байна. Сайн байна. Та нар бардамнаагүйг би мэдэх болохоор зүгээр. Бардамнасан бол тэнд хүрэхгүй байсан. За юу? Үнэхээр сайн байна. Богино хугацаанд та нар маш өндөрт хүрчээ. Тийм ээ, үнэхээр өндөрт хүрч. Хоёр сарын өмнө, та нар ердөө л Хоёрдугаар (Төвшинд) байсан, хоёр эсвэл сар хагасын өмнө.Би та нарыг сар болгон шалгадаг. Энд даяан хийж байх үе хэзээ билээ? Арван хоёр сарын сүүл үү? Одоо хоёр сарын сүүл болж байна. Хоёр сар. Гэхдээ үүнийг зарлах үед, хоёр сар гэж үзвэл, бараг л хоёр сарын хугацаанд та нар их өндөр үсэрчээ. Энэ бол маш том зүйл. Зарим тань бас их өндөр үсэрч. Олон хүн. Сайн байна, сайн.Гайхалтай. Та нар яасан юм бэ? Бүгдэд нь хэлээрэй, магадгүй туршлага тань тус болох байх. (Багш хийдэг. Багш бүгдийг хийдэг.) (Энэ хоёр сарын хугацаанд, энэ хоёр сард.) Энэ хоёр сарын хугацаанд та нар яасан юм бэ? Үнэхээр хурдан дэвшиж. (Үнэхээр хурдан дэвшсэн.) (Багш дэвшүүлсэн.) (Багшид залбирах хамгийн хялбар.) (Миний хувьд хамгийн хялбар гэдгийг хэллээ. Бүгдийг Багш хийдэг. Ихэнхдээ намайг залбирахад Багш хийдэг.) (Ойр ойр залбир.) Ойр ойр яана гэсэн бэ? (Залбирна. Залбирна.) Аан. Түүний хувьд үнэхээр амархан гэж байна. Түүний хийж буй бүхнийг Багш хийдэг гэж боддог аж, мөн тэр өдөржин байнга залбирдаг. “Багш хийдэг” гэж тэр хэллээ, түүний нууц нь тэр. Түүний хувьд маш энгийн, “Багш бүхнийг хийдэг.” гэж байна. Тийм ээ. Бас залбирдаг.Таны хувьд? Та бас 70, тийм үү? Тийм ээ, орой нь. Нууц тань юу вэ? (Миний нууц гэвэл би... уншдаг... Би бүртгэл хөтөлдөг (Тийм, тийм.) өдөр болгон.) Өдөр болгон, та... Юу бүртгэдэг гэж? (Энэ таван жилийн хугацаанд, би гэгээрлийн бүх ... бүртгэж ирсэн.) Өдрийн тэмдэглэл, та өдрийн тэмдэглэл хөтөлдөг байх нь. (Даяаны дараа Багш олон хүнийг их хурдан дэвшсэн гэсэн болохоор би шалгасан.) За. (Тиймээс би бүртгэлээ шалгасан. Энэ хоёр сарын хугацаанд үнэхээр би маш сайхан гэгээрлүүдийг хүртлээ.) За. (Тиймээс бүртгэл хөтлөх үнэхээр сайн.) Тийм ээ, бүртгэл хөтлөх бас сайн. (Гэгээрлийн үед би хүртсэнийг надад байнга сануулдаг, (Тийм.) (Тийм ээ.) учир нь...) Өөртөө урам хайрла. (За, за. Учир нь заримдаа гэгээрэлд хүрэх тийм хэцүү биш ч гэгээрлээ хадгалах жаахан хэцүү.) Тийм. Тэгэхээр хэр ихийг хүртсэнээ харвал илүүг хүртэхийг хүснэ. (Тийм.) Аа! Сайхан санаа байна.Тонг. (Би байнга захидлуудад хариулж, Багшийн ажлыг хийж ирсэн. Үүнийг хийж байхдаа би үргэлж, “Багш аа, Та надаар энэ тэрийг хийлгэхийг хүсвэл надад хүч, билиг ухаан хайрлах хэрэгтэй, бас хайр энэрэлт сэтгэл өгөх хэрэгтэй, үгүй бол би үргэлжлүүлж чадахгүй. Би чадлаараа хичээмээр байна.” гэж боддог.) За. Та тэгж залбирдаг байх нь. (Надад бүртгэл хөтлөх цаг зав байдаггүй.) Тун завгүй. (Би бас тэгж их бясалгаагүй.) (Гэсэн ч...) За. (Би байнга Багшид залбирдаг.) За. Түүний нууц бас сүртэй зүйл биш гэнэ, учир нь түүнд их цаг зав байдаггүй. Маш их Багшийн ажил хийх ёстой байдаг гэнэ. Тиймээс тэр юм хийх болгондоо, “Надад үүнийг хийх хангалттай хүч, хангалттай хайр энэрлийг хайрлаач. Үгүй бол би цааш хийж чадахгүй. Надад хангалттай хүч үгүй. Үүнийг хийх хангалттай тэвчээр үгүй.” гэж хэлдэг гэнэ. Тиймээс тэр цаг үргэлж дандаа залбирдаг аж. Тэр ажлаа хийж буй учраас залбирах ёстой болдог. Тэгж л үйлчилдэг. Мөн тэр хичээнгүйлэн илүү цагаар ч юм уу бясалгадаггүй, миний ажлыг их хэмжээгээр хийх ёстой болдог учраас тэр удаа болгонд залбирдаг. Үгүй бол тэр хийж чадахгүй. Тийм учиртай.Тийм ээ, өөр хэн байна? Таны хувьд? (Би ч бас адилхан. Би Багшийг бодож, Багшийн сургаал номлолыг бодож, Багшид чин сэтгэлээсээ залбирдаг.) Тэр бас ажлаа хийхийн тулд Их Багшид чин сэтгэлээсээ залбирдаг гэнэ, тэгээд л гүйцээ. Үргэлж Багшаас тусламж гуйн залбирдаг. (Бидний ихэнх маань маш их ажилтай учраас... Ихэнх гэрээс гарсан авшигтнууд их ажилтай байдаг.) Өө. (Тийм.) Маш их Багшийн ажилтай. (Тийм, тийм.)Энэ бүлэгт байдаг ихэнх хүмүүс маш их ажилладаг, ихэвчлэн Багшийн ажил юм уу бидний төлөөх олон нийтийн ажилтай байдаг гэж тэр хэллээ. Эд бол ихэнх хүмүүс нь маш хөдөлмөрч бүлэг. Тийм.(Тийм ээ. Би ч бас, тийм, учир нь... (Тийм.) Учир нь номын үзэсгэлэнгийн үеэр болон дараа хэдэн хүн тэнд очих хэрэгтэй байна гэх үед эсвэл хэн нэгэнд тусламж хэрэгтэй болбол, “Та тэдэнтэй очиж ярилцдаг.”) Энэ тэр зүйлс. (Би явдаг, “Хэн ч явахыг хүсдэггүй болохоор зөвхөн би.” Ийм нийтийн ажил хийж байхад бидэнд Их Багшийн Адислалын Хүч маш их хэрэгтэй байдаг.) Тийм. (Тиймээс тэр болгонд би Багшид залбирдаг бөгөөд, дараа нь (За.) намайг ярихад тэдэнд таалагддаг. Тиймээс удаа бүрд би маш их ахуй ойлголт цуглуулдаг. Заримдаа би шоронд, өөр хаа нэгтээ очиж яриа хийдэг. Тэгээд би яриа хийх болгондоо маш их ахуй ойлголт хуримтлуулдаг.) Тийм, тийм.(Ядаж л ойлгох учиртай бөгөөд Багшийн сургаал, Ариун ном судруудаас эхлэх хэрэгтэй. Энэ нь...) Тийм. Энэ нь та нарыг Их Багшийн сургаал энэ тэртэй илүү холбодог. (Тийм, тийм.) Тийм ээ. (Тэгээд үүнийгээ ашиглана.) Тийм ээ, тэгдэг. Үүнийгээ ашиглана. (Үүнийгээ ашигладаг.) Тийм тийм. Сайн байна. Та тэр ажлыг хийж байдаг учраас байнга танд сануулна. (Тийм ээ.) Санах ёстой, “хүчээр” санадаг, (тийм.) бас “хүчээр” залбирдаг. За. Тэгвэл та Их Багштай илүү холбоотой байдаг байх нь. Ойлголоо.Photo Caption: Эгэл Даруу Танил Зүйлийг Бүү Үл Тоо. Зөвхөн Харагдах Байдалдаа Биш!
