Амар амгаланг алдуулагч ертөнцийг ялсан ялалт, лекцийн 11-ын 6-р хэсгийг

Тиймээс буянтай бай, аюулгүй байдал, эрүүл мэнд, эд хөрөнгө, амьдралд хүрэлцээтэй байгаа бүхэндээ, аюулгүй байдалдаа, аз жаргалдаа ч бас Бурханд талархаж байгаарай. Мөн Бурханыг бүхий л Будда нарыг, өөр өөр төвшний Их Багш нарыг санах боломжтой буйдаа таларх. Санах нь сайн ч, хангалттай биш. Өдөр бүр залбирах хэрэгтэй, дадал болгоорой.

Бурханыг магт, Бурханд таларх, бүхий л Их Багш нарыг магт, Тэдэнд бүгдэд нь талархаарай. Хамгийн чухал нь Бурханыг таньж мэд. Буддаг харж чаддаг байхуйц хангалттай гэгээрэлтэй бай, Буддаг таньж мэдэж чадахуйц, Бурханыг харж, Бурхантай ярьж, Бурханыг сонсож, Бүхий л Будда нарыг сонсож, Их Багш нарыг сонсож Диваажингийн Гэрэл гэх мэтийг хардаг байхуйц гэгээрэлтэй бай. Ямар Диваажинд байгаагаа ойлгож мэдэж болох олон газар байдаг, сүнслэг ухамсрын ямар төвшинд буйгаа та бүхэн миний шавь нартаа заадаг Арьяабалын Аргад авшиг хүртэн мэдэх боломжтой.

Арьяабалын Аргыг буюу (дотоод Диваажингийн) Гэрэл Аялгууны бясалгал заадаг өөр бусад багш нар байдаг ч тэд нэг надаас урваж, намайг хуурч, дараа нь чөтгөрийн талд ажиллаж, хүмүүсийг хохироосон хүмүүс шиг хуурамч, үгүй бол доогуур төвшнийх. Тэд та нарыг зөвхөн өөрсдийнхөө байгаа төвшинд л хүргэж чадна, хэдийгээр адилхан арга зааж байгаа ч үүнээс илүү өндөр төвшинд хүргэж чадахгүй. Урьд нь надад адилхан аргыг заадаг байсан багш нар хүртэл

намайг өөрсдийнхөө шавиа гэж дуудаж зүрхэлдэггүй гэж хэлсэн. Би, “Яагаад үгүй гэж? Яагаад?” гэж асуусан. Тухайн үед би шавь нь байсан шүү дээ. Хариуд нь тэд, “Үгүй, Та дэндүү өндөр төвшнийх.” гэсэн. Иймэрхүү зүйл болдог. Та нарыг мэдэг гэж хэллээ, бидэнтэй хамт байхгүй болсон хүмүүс явахаасаа өмнө сайтар тунгаа, хөл тань аюулгүй газар, аюулгүй Диваажинд, байж болох хамгийн өндөр Бурханы Оронд очиход анхаарах хэрэгтэй.

Бурханы Орон маш олон төвшинтэй. “Эцгийн минь Гэрт олон орд харш бий” гэж Эзэн Есүс хэлсэнтэй адил. Бурханы Хайр том, бидэнд зориулсан том орон зайтай гэсэн үг. Мөн Диваажинд олон төвшин байдаг гэсэн утгаар Тэр хэлсэн. Бид хэрхэн бясалган дадуулж, хэнийг дагахаас хамаардаг.

Өчигдөр би дэлхийн мэдээг хальт харлаа. Учир нь би дэлхийн мэдээг байнга хайж, дэлхий даяар, олон улсад юу болж байгааг богино хугацаанд хүмүүст хүргэг гэж өөрийнхөө баг руу явуулдаг. Энэ нь суугаад олон суваг сольж үзээд байх завгүй хүмүүст хэрэгтэй. Бид өөр өөр улс оронд өөр өөр цаг үед болж буй сайн муу бүх нөхцөл байдлыг үзээд ойлгоход амар хэлбэр байдлаар товч тодорхой хүртээдэг. Түүнчлэн хэрэв миний анхааралд өртсөн бол хүмүүсийн бичсэн болон хиймэл оюун ухаанаар үүсгэсэн хуурамч мэдээллийг би устгадаг.

Тэгээд л би заримыг нь харж байлаа. Ерөнхийлөгч Зеленський Вашингтонд очиж, Ерөнхийлөгч Трамптай уулзан, энхийг тогтоох талаар ярилцаж буйг харсан чинь яг л дайн мэт байсан шүү. Тэднийг албан ёсоор Америкийн хэвлэл мэдээллийнхний өмнө гарч суухаас өмнө олон нарийн ширийн зүйл болсон байх л даа. Тэгэхдээ миний харснаар Ерөнхийлөгч Трамп үнэхээр энхийг тогтоож, аль гурван жилийн өмнө эхэлсэн Орос Украин (Урейн)-ы харгис хэрцгий дайны бүх аллагыг зогсоохыг хүссэн. Бурхан минь, дэндүү их зовлон, дэндүү урт хугацаа шүү дээ.

President Donald Trump hosts President Volodymyr Zelenskyy at White House– Feb. 28, 2025, His Excellency Donald J. Trump: Би энхийг сахиулагч гэдгээрээ дурсагдах байх гэж найдаж байна. Хэрэв бид үүнийг хийж чадвал энэ нь маш сайн хэрэг болно. Би юу юунаас илүү хүний ​​амийг аврахын тулд үүнийг хийж байна. Хоёрдугаарт маш их мөнгө хэмнэнэ. Гэхдээ би үүнийг тэгтлээ их чухал биш гэж үздэг. Би энхийг сахиулагч гэдгээрээ танигдаж, хүлээн зөвшөөрөгдөнө гэж найддаг. Үүнийг шийднэ гэдэг маш сайн хэрэг болно. Энэ бол маш аюултай нөхцөл байдал. Энэ нь дэлхийн гуравдугаар дайнд хүргэж болзошгүй. Энэ нь буруу тийшээ чиглээд байна.

Бид санхүүгийн хувьд боломжтой бүхнээрээ тусалдаг бөгөөд хийх боломжтой бүхнийг хийдэг. Гэвч энэ бүхэн тийм амар биш. Украин (Урейн)-ы нэг профессор надад захидал бичээд намайг шавь нараасаа илгээж, улсынхаа нэгэн их сургуульд Ловин Хат байгуулж өгөөч хэмээн хүссэн юм. Би хүсэлтийг нь хүлээн авч, хүмүүсээ явуулахаар болсон. Гэтэл тийм амар биш. Энэ бүх хугацаанд бид тусалсаар ирсэн ч тэнд удаан байх боломж ер байдаггүй. Учир нь виз авахад төвөгтэй. Ажлын виз […]. Урт хугацааны виз бүр ч төвөгтэй.

Африкт ч бас адилхан. Жишээ нь Конго улсад ажлын визтэй байя гэвэл төвөгтэй, […]. ёстой болдог. Хэрэв урт хугацааны виз авъя гэвэл гурав, дөрвөн мянган ам.доллар төлж байж анкетаа өгнө. Гэвч тэглээ гээд зөвшөөрөгдлөө гэсэн үг биш. Зөвшөөрөгдөхгүй бол мөнгийг тань эргүүлж өгөхгүй. Тиймээс амаргүй.

Хүмүүс намайг бясалгагч байж яагаад бизнес хийдэг юм бэ гэж шүүмжилдэг. Та нараас илүү идэх гэж би бизнес эрхэлдэггүй. Та нар гэртээ миний энд иддэгээс илүү сайныг идэж байгаа. Миний амьдарч байгаа байдлаас та нарын нөхцөл илүү дээр, илүү тухтай, бэлэн халуун устай. Энд бол би хүйтэн шүршүүрт орж, бүр үс толгойгоо ч хүйтэн усаар угаадаг. Ус буцалгахад хугацаа их ордог. Тэгээд олон хувин саванд хийх ёстой болно. Өвлийн улиралд бол бүлээн ус хийгээд л нүд ирмэхийн төдийд хүйтэн болсон байдаг. Тиймээс би тоодоггүй юм. Зүгээр л хүйтэн ус ашигладаг. Салхи орж ирээд өвтгөхөөс сэргийлж, сайтар халхлах л хэрэгтэй.

Тэгэхээр хэт их шүүмжлэх гэсний хэрэггүй. Намайг ч гэлтгүй, хэнийг ч. Хүмүүс, амьтан-хүмүүст сайныг үйлдэхийг хичээж, хамаг цаг, мэдлэг чадвар, хөрөнгө санхүүгээ тэдгээрт туслахад зориулдаг хэн бүхний тэрхүү сэтгэлийг харахыг хичээ. Битгий шүүмжил. Тэгээд ч тэд ямар гэм хийсэн гэж? Би ямар буруу зүйл хийсэн гэж? Би зүгээр л бизнес эрхэлдэг, шударгаар мөнгө олдог, ариун мөнгө олж, тэрийгээ Бурхан зөвшөөрсөн үед ядарсан хүмүүст өгдөг. Заримдаа би залбирч гуйхгүй бол Бурхан надад зөвшөөрдөггүй. Жишээ нь: Би $40,000 америк доллар өгмөөр байвч Бурхан ердөө л $20,000-ыг зөвшөөрвөл хэдий сэтгэл минь эмтрэвч тэр дагуу л өгөх ёстой болдог. Миний амьдрал минийх биш. Намайг та нар эрх чөлөөтэй гэж бодож байна уу? Тийм биш. Дэлхийн үйлийн үр над дээр ирдэг учраас би эрх чөлөөтэй биш. Мөн дэлхийн үйлийн үрээс болоод би Бурханы Тааллын дагуу үйлдэх ёстой болдог. Хэрэв юу ч хийхгүй бол Бурхан тайван орхино. Юу ч өгч авах шаардлагагүй.

За одоо эргээд хоёр ерөнхийлөгчийн сэдэвтээ оръё. Тэд хоёулаа сайныг санасан. Ерөнхийлөгч Зеленський урт хугацаанд Украин (Урейн)-д илүү тустай байх гэрээг Ерөнхийлөгч Трамптай хийхээр Америкт очсон. Үүнд гарын үсэг зурсны дараа Украин (Урейн)-д Америк улс байнга туслах боломжтой. Мөн Украин (Урейн) дэлхийд илүү тогтвортой байр суурьтай байх болно гэж Тэр хэлж байсан. Гэтэл яагаад ч юм ямар нэг зүйл болж, тэр гарын үсэг зураагүй, бас тэд өндөр дуугаар маргалдаж байсан.

Илүү эв найртай байх учиртай байсан юм. Магадгүй тэр хоёр тусдаа албан өрөөнд сууж, эхлээд учир зүйгээ ололцоод, олон нийтийн өмнө юу ярихаа зөвшилцөх учиртай байсан байх. Тэгэхгүй бол хэдийгээр тэд хоёулаа сайныг санасан ч дэлхий нийтээрээ тийм ч таатай бус нөхцөл байдал гэж харах болно. Тэд хэн хэн нь юу эрэлхийлж, юунд хүрэх гэж байгаадаа тун их хүсэл зориг дүүрэн байдаг.

Гэвч заримдаа бидэнд байдаг хүмүүний хандлага, хүмүүний зан чанар, хүмүүний үзэл санаа аль аль талын чин сэтгэл, энх тайван байдлын дундуур ордог. Ерөнхийлөгч Трамп мэдээж хүчирхэг, мөн Тэрээр сонгуульд илт давуу ялсан. Бараг л улс орон даяараа Түүний хийсэн бүхнийг дэмждэг, Америкийг буцаад агуу болгох шинэ шийдвэр бүрийг нь дэмждэг. Тиймээс Тэр хүчирхэг, Тэр ялж буй агуу байр сууринд байгаа. Тиймээс ч Тэрээр ерөнхийлөгч Зеленськийг дайнд гурван жилийн турш нухлуулсныг бага зэрэг мартаж, жаахан бодлогогүй хандсан байх. Дайны толгойн өвчнөөс болоод түүний үс гэнэтхэн бууралтаж, царай төрх гээд хамаг юм нь өөрчлөгдсөн шүү дээ. Дэндүү их хариуцлага, хэт их зовлон, хэт их заналхийлэл гэх мэт төрөл бүрийн юм бий. Дээрээс нь түүний амь нас дайн эхэлсэн цагаас аюулд байна.

Media Report from The Telegraph – Feb. 24, 2023, His Excellency Volodymyr Zelenskyy: Сүүлийн асуулт, хамгийн сүүлийн, хамгийн хэцүү асуулт. Би тэдэндээ бүх зүрх сэтгэлээсээ хайртай. Эхнэр минь, хүүхдүүд маань миний хувьд хамгийн чухал хүмүүс. Би тэдэнтэй байнга уулздаггүй, аав ээжтэйгээ огт уулздаггүй. Би эхнэрээрээ маш их бахархдаг. Тэр бүх зүйлийг... хүүхдүүдийн төлөө, эх орныхоо төлөө хийдэг гэдэгт би итгэдэг. Түүнийг ямархуу хүн бэ гэдгийг нь би мэднэ. Миний төлөө жаахан юм хийдэг ч болоосой. Би мэдээж хошигнож байна. Тэд бүгд миний зүрх сэтгэлд бий. Энэ нь миний хувьд хамгийн хэцүү зүйл байх болно гэж би үнэнээ л хэлсэн. Тиймээс хариулахад надад амаргүй байна. Хамгийн гол нь тэдний урмыг хугалахгүй байх явдал юм. Хамгийн гол нь хүүхдүүд маань надаар бахархдаг.

Хэдийнээ шалан дээр уначихсан байгаа хүнийг өшиглөх учиргүй. Гэвч улс төрийн нөхцөл байдал хэзээ ч хэнд ч амаргүй. Хэрэв би ерөнхийлөгч Зеленський байсан бол гээд төсөөлбөл яахаа мэдэхгүй л байх байсан. Түүнтэй адилхан ийм нөхцөлд байсан хэн ч бай илүү ухаалаг байхгүй л болов уу. Бүх талаас дарамт шахалт ирж, хэдийнээ хэт их зүйл алдчихсан, хэт ихийг алдаж, улс орноо хүртэл алдахаас айна шүү дээ. Ялагч тал үргэлж бусдыгаа илүү бодолцдог, илүү ойлгодог байх ёстой.

Photo Caption: Материаллаг Хэмжээсийг Тод Сайхан Өнгөтэй Орхино

Зураг татаж авах