Тамд унагадаг хамгийн ноцтой шалтгааныг Бурхан илчиллээ, 11-ын 10-р хэсгийг

Будда Дэлхий дээр ойр ойрхон ирдэггүй, тийм ч амар танигддаггүй. Тийм учраас олон хүн Христийг таниагүй, эсвэл Буддаг, Гүрү Нанакийг, Зөнч Мухамедыг, Тэрээр амгалан байг, бүх Их Багш нар амгалан байг, таниагүй. Тэднийг таниагүй. Тийм учраас Бурхан Хөвгүүдээ, Төлөөлөгчдөө бас доош нь илгээсээр байх ёстой болдог. Үнэндээ Хүү гэдэг нь Хүү биш. Хүү бас Охин юм. Гэвч энэ дэлхийд бид Түүнийг Бурханы Цорын Ганц Хүү гэж тунхагласан болохоор зүгээр л орхидог. Үнэндээ Эзэн Есүс эмэгтэй, эрэгтэй аль аль чанартай байсан, материаллаг төвшинд гэх гэсэн юм. Тэр эмэгтэйлэг байсан юм биш, харин дотоодод нь тийм байсан.

Бурханаас илгээсэн Төрөлтөн нэг бол жинхэнэ эрэгтэй, үгүй бол жинхэнэ эмэгтэй Хүн байх ёстой байдаг, сэтгэл мэдрэмж, зан байдал, зөн төрхийн хувьд тийм. Зан байдлын хувьд Тэд эрэгтэй юм уу эмэгтэй хүн байдаг гэх гэсэн юм. Тал-эрэгтэй, тал-эмэгтэй, эсвэл бисексуал ч юм уу ямар нэг өөр холимог сексуал байх боломжгүй.

Тэд Бурханы төгс үлгэр жишээ байх ёстой. Тиймээс Тэдэнд эрэгтэйлэг эмэгтэйлэг аль аль хүч нь бий. Энэ хоёр чанаргүйгээр Их Багш байх боломжгүй. Гэвч эрэгтэй хүн бол материаллаг төвшинд зөвхөн эрэгтэй хүн л байдаг. Эмэгтэй хүний биед байвал эмэгтэй хүн л байх ёстой. Тэгээд эрэгтэй хүнд дурлах болно. Эсвэл эрэгтэй хүн бол эмэгтэй хүнд дурлана. Өөр ямар нэг төрлийн хүйстэнд дурлахгүй.

Ахин хэлэхэд эрэгтэй хүний биед төрвөл, эрэгтэй хүн л байна. Эрэгтэйлэг. Огтхон ч эмэгтэйлэг байхгүй. Гэвч эмэгтэйлэг чанар дотоодод тань нуугдсан байдаг. Энэ бол эхийн хайр, бусад төрөлтнүүдийг ээж шиг нь хайрлахын тулд байх ёстой чанар юм. Шавь нартаа аав шиг нь л хязгаарлагдмал байх болно. Тийм учраас эрэгтэй, эмэгтэй аль аль чанартай байх ёстой. Одоо ойлгов уу? Тодорхой гэж найдъя. Эдгээр нь Диваажингийн юм уу Бурханлаг сэдвийг тайлбарлахаас илүү амархан байдаг, материаллаг энэ дэлхийн тархины хувьд Диваажингийн, Бурханлаг сэдвийг ойлгох бэрх.

Гэвч Арьяабалын Аргаар дадуулдаг бол, энэ эртний, өнө эртний арга, Үүрдийн Арга - эртний, орчин үеийн, ирээдүйн үүрдийн арга нь та нарыг гэтэлгэх цорын ганц арга юм, энэ бол 100 хувь баттай. Бурханы Нэрээр би баталъя. Юу гэж нэрлэх нь хамаагүй, Бурханы Гэрэл, Бурханы Хэлбэлзлийг л багтааж байвал хамаагүй, Бурханы Сургаал Номлол, үг-хэлгүй Сургаал энэ аргад л багтаж байвал хамаагүй. Та нар Бурханы (дотоод Диваажингийн) Аялгууг шууд сонсоно. Жинхэнэ Их Багшаар заалгадаг бол (дотоод Диваажингийн) Гэрлийг шууд харна. Гэхдээ дээд Гэрэл.

За, өнөөдрийн ярих зүйл ингээд болж байх шиг байна. Одоогоор би та нартай биеэр уулзахгүйгээр алслагдсан газар ажиллах ёстой байгаа. Дэлхийн хамтын үйлийн үрээс болоод ийм байдалтай байна. Гэвч хэрэв дэлхий амар амгалан байж, хүмүүс бүгд веган болбол би та бүхэнтэй хамт удаан үлдэх юм уу Бурханы Нигүүлслээр та бүхэнтэй дахин уулзахаар гарч ирэх байх.

Одоогоор би та бүхэнтэй үргэлж хамт, хүн болгонтой амьдралын нано секунд бүрд хамт байгаа. Та нар унтдаг, Их Багшийн Хүч унтдаггүй. Их Багш унтдаггүй. Би үргэлж өөртэй тань хамт байж, дотроо буй Бурханы Нигүүлслээр өөрт тань туслан, хамгаалж, үйлийн үрийг тань танд аль болох аюулгүй байх чинээгээр арилгах болно. Та энэ дэлхий дээр амьдарч, дэлхийд ирсэн зорилгоо дуусгахын тулд бага зэрэг үйлийн үртэй байх хэрэгтэй.

Тэгээд дуусгаад Гэртээ харих боломжтой. Гэхдээ Их Багш үргэлж 24/7, дээр, чанадад, зүүн, баруун, дээр, доор, хооронд, дунд, хаа сайгүй дэргэд тань байгаа. Их Багш ямагт өөртэй тань хамт байж, тусалж, хамгаалан, таны хувьд тэвчихийн аргагүй үйлийн үрийг зөөлрүүлж өгдөг.

2002 онд би өвчтэй ахдаа нэг бөөрөө хандивлахаар шийдсэн юм. Бүхий л урьдчилсан үзлэгээр маш сайн гарсан бөгөөд бүх талаар тохирч байлаа. Яг шилжүүлэн суулгах цаг болсон чинь би санаа зовж эхэллээ... Хагалгаа сайн болохгүй бол яах бол гэж бодох даруйд би Хайрт Их Багшдаа аврал эрэн залбирлаа. Хэдэн өдрийн дараа буюу хагалгааны өмнөхөн тэр газар бясалгаж байхдаа би Их Багшийн их лагшин хагалгааны үйл явцыг тагтнаас хараад зогсож байна хэмээн ахуй ойлголт үзсэн юм. Харин миний айдас оргүй арилж, хагалгаа тун сайн болсон доо. Одоо энэ бүхнээс хойш 22 бүх зүйл сайн сайхан байгаа. Их Багшдаа маш их талархдаг билээ. АНУ-аас Лука

Эрхэм Хайрт Их Багш аа, чин сэтгэлийнхээ гүнээс Их Багшдаа би өдөр бүр үргэлж талархдаг. 18 жилийн өмнө би Танаас авшиг хүртсэн. тэр цагаас хойш би үргэлж аз жаргал, баяр хөөрийг мэдэрч байна. Саяхан Та миний амийг аварсан. 2021 оны 8-р сарын 15-нд би хоёр дахь хүүхдээ төрүүлэх үед энэ тохиолдсон юм. Би төрөх өдрөөс өмнө хоёр шөнө унтаж байхдаа хэн нэгэн нэрийг минь дуудахыг сонссон. Дэлхий дээр байх хугацаа минь дуусаж буй мэт санагдсан ч Их Багш хамгийн сайнаар нь зохицуулж өгнө гэж тун эерэг бодол төрж байв. Эмнэлэгт ирснээсээ хойш би Ариун Нэрсээ үргэлж уншиж байсан. Төрөх цаг ойртох үед эмч жаахан асуудал байгааг хараад, хүүхдийг даруй гаргахаар шийдсэн. Үүний дараа би маш их цус алдсан. Эмч эмнэлэгт байгаа, миний цусны бүлэгт тохирох бүх цусыг ашиглан надад цус сэлбэсэн ч би зогсолтгүй цус алдаж байсан тул энэ нь хангалттай байсангүй.

Манай гэр бүлийнхэн надад нэмж цус сэлбэхийн тулд ирсэн олон авшигтнуудыг дуудаж, цусны бүлгийг нь шинжлүүлсэн. Гэсэн ч би маш их цус алдсаар л байсан. Миний тохиолдол маш ховор байсан тул тэр эмнэлгийн эмч нарын баг бүхэлдээ сандарч, яаж намайг аврахаа мэдэхгүй байв. Тэнд очсон авшигтнууд намайг аврахын тулд Их Багшид тасралтгүй залбирч байв, учир нь дөнгөж төрсөн хүүхдээ өсгөхийн тулд би амьдрах хэрэгтэй байлаа. Нэг эмч надад туслахын тулд бүр бөө дуудсан байсан, гэтэл тэр бөө эмчид: “Тэр үнэхээр их буянтай юм, түүнийг маш өндөр төвшний хүн хамгаалж байна” гэж хэлсэн. Тэр үед би ухаангүй байсан ч аянга мэт хүчтэй тэсрэх чимээ сонссон, дараа нь усны дуслууд нүүрэн дээр минь асгарлаа. Би нүдээ нээсэн ч юу ч олж хараагүй. Тэр мөчид Их Багш миний амийг аврахын тулд нүүрэн дээр минь ариун ус дусаасныг би мэдсэн. Дараа нь би амьдралд буцаж ирсэн, миний бие тогтворжиж, дахин цус алдаагүй. Эмч нар бүгд гайхаж, намайг үхлээс мултарсан гэж хэлсэн. Одоо хэдийнээ таван сар өнгөрч, хүүхэд, бид хоёр хоёулаа эрүүл саруул байгаа. Дахин амьдрал бэлэглэсэн Их Багшдаа ихэд талархаж буйгаа илэрхийлж байна. Ау Лак (Вьетнам) улсаас Тиень Май

Их Багшийн гайхамшиг: Их Багшийн гайхамшгийн нэгийг би 2014 онд мэдэрч, гэрч болсон. Их Багшийн шавь нарын нэгтэй би 2014 онд холбоотой байсан. Түүнтэй утсаар ярьж байхдаа би орон дээрээ доошоо харан хэвтэж байсан. Тэгтэл гэнэт шалан дээр явган суух хэрэгтэй мэдрэмж төрсөн. Би шалан дээр явган сууж байхдаа Их Багшийн агуу сүнслэг Хүчийг мэдэрсэн. Тэр миний ард зогсоод нуруунаас минь илд сугалж эхлэв. Түүний сугалж байсан сэлмийн урт 20 метр орчим байсан байх. Хэдийгээр би Дорнын Ассирийн сүмийн Христэд итгэгч бөгөөд Христийн шашин шүтдэг ч, Их Багшийн сүнслэг байдал өөр өөр шашинтай байсан ч хэнд ч хэрхэн тусалж болохыг гэрчилсэн. Үүнийг ямар ч жинхэнэ Их Багш хийх болно. Тэд шашны хооронд тусгаарлалт тавьдаггүй. Тэд тусламж хэрэгтэй байгаа хэн бүхэнд тусалдаг. Бидний өдөр тутмын амьдралд тусалж, аливаа бузар муугаас хамгаалах Аугаа Төгс Гэгээрсэн Их Багш Чин Хай зэрэг Их Багш нарыг соёрхсон Бурханд ямагт талархах ёстой. Мэндчилэн, хайраа илгээе, Австралиас, Томас

Гэх мэт...

Тиймээс та ганцаараа биш гэдгээ үргэлж санаарай. Үүний төлөө, 24/7 турш өөрийн тань төлөө боломжтой бүхнийг хийж, таны төлөө боломжит бүх үйлийн үрийг цэвэрлэдэг Их Багш байдагт Бурханд талархахаа ямагт санаж яваарай. Энэ амьдралынхаа дараа та өөрөө хүсэхгүй бол биет ертөнцөд зовж шаналах шаардлагагүй. Хэрэв та хүсэх л юм бол Бурханы Хүчээр зүрх сэтгэлдээ туслахыг хүсэж байгаа хэнд ч тусалж, аварч болно.

Тиймээс буян хийхээ мартуузай. Хэдийгээр та Бурханы төлөө бус, Бурханы төлөө үнэнийг түгээхийн төлөө бус, мөн хүмүүст сүнсийг нь аврах Их Багшийн Хүчийг амьдралд нь авчирч туслахын төлөө бус зүгээр л материаллаг буяны ажил хийж байсан ч гэсэн хамгийн гол нь зүрх сэтгэл тань цэвэр ариун байх ёстой.

Үүнийг хийх, буян үйлдэх боломж олгосон Бурханд талархах учиртай. Бахархаж, бардамнахгүйгээр, өөрийгөө сайн хүн, гэгээнтэн, шилдэг нь гэж бодохгүйгээр шүү. Ёстой болохгүй. Энэ нь таныг тамд унагана. Энд байгаа бүх зүйлийг та авчраагүй. Та юу ч үгүй, огт юу ч үгүй ​​төрсөн. Тэр ч байтугай хүйг, таны биеийг эхийн тань дотортой холбодог хүйг тань хүртэл таслах ёстой байдаг. Тэгэхээр та орь ганцаараа, нүцгэн, юу ч байхгүй, энэ дэлхийд юу ч үгүй ирсэн. Тиймээс та гэгээрсэн гэгээнтэн болохыг хүсэж байвал эргээд хүртэх ёстой! Гэвч зарим нь чаддаггүй.

Photo Caption: Бид хамтдаа юуг ч хийж чадна.

Зураг татаж авах