“Шударга хичээл зүтгэл, Их Багшийн Ивээл, Бурханы Өршөөлөөр дээд Түвшинд хүрдэг” 19 цуврал лекцийн 1-р хэгсийг

Сайн байцгаана уу, бүх эрхэм найзууд минь? Бурхан та нарыг минь адислан хайрлаж, Хайраа илгээх болтугай. Бурханы Хайр, Адислалыг та нар мэдэж байгаа.

Өнөөдөр би өөртөө жаахан хоол хийх зуураа санаандгүй хуучны нэг шүлэг сонссон юм. Хэдэн арван жилийн өмнө бичсэн байх. Сонсоод сэтгэл минь хөдөлсөнд би тун их гайхлаа. Аулак (вьетнам) хэл дээр л дээ. Орчуулгыг нь уншаад би “Өө, хэдэн үг алга байна шүү дээ. Зарим үгийг нь зөв орчуулаагүй юм байна. Өөрөөр хэлбэл нарийн сайн илэрхийлээгүй юм байна. Орчуулгыг нь шалгаж үзэж, хэдэн үг нэмээд илүү бүрэн, төгс төгөлдөр болгомоор юм байна.” гэж бодсон.

Энэ ч яах вэ, гол зүйл биш. Гол нь би үүнийг сонсоод гэрээ маш их саналаа. Яг одоо тэр шүлгийг шууд бүтнээр нь санахгүй байна л даа. Олон шүлгээ би зөнгөөрөө шууд л бичсэн. Зөв бурууг нь тэр бүр шалгаж байгаагүй. Нэмэлт оруулж ч байсангүй. Тэр шүлгийг цацъя гэж хуваарьт оруулсан багийнхандаа би талархах учиртай.

Screaming Out Loud (Thét Gào) – Poem composed and recited by Supreme Master Ching Hai (vegan):

Хүмүүсийн булааж зандран удирдах энэ гяндан мэт Хорвоод амьдарч үл чадна би! Хязгаар, хүлээс бүгдээс Чанад халин одохыг хүснэм би! Би диваажингийн анхилам агаараар амьсгална. Салхи намуухан сэвэлзэх тэр л газар руу явна

Амьдруулж хайрла, Хөгжүүлж хайрла. Намайг Өөрөөр минь байлгаач! Хэдий ялгаатай, Хэдий сонин харагдах ч Амьдрал минь надад л хамаатай. Би өөрийн хүссэнээр амьдрах болно!

Хэрэв та энхийг эс хайрлавал, далайн шуурга бүү дэгдээ. Эрх чөлөөнд умбуулж хайрла! Би шувуутай дүүлэн нисч Нартай хамт мандаж Сарны мандал дээр хөвөн зүүдлэн Ийнхүү зэрлэг цахирмаан дэлбээнд зориулан найраг бичнэм.

Зуны эхэн өдрөөр хүйтэн хур бороонд норж, дуулж, Ой модонд авиран агуу их далайн давалгаанд хөвөнхөн, Хаврын нахиа өвсний зөөлөн ширхэгүүдийг зурах болно!

Эрвээхэйн талбайд хөл нүцгэн гүйж, Гол горхинд загасны хамт Нуугдаж тоглоном. Намрын үдэш ардын дуунуудыг дууланхан Ойн нөхөрсөг жимээр хэрэн зугаалах нь! Боловсорч гүйцсэн жимсний шүүслэг цэцэрлэгт таашан баясаж, Надад зориулагдан мод мөчрөөсөө унах билээ!

Таны маанаг, солиотой гэж Үздэг зүйлсийг Би үйлдэх болно. Тэгэвч би үүнд дурлан баясана.

Намайг амьдруулаач Намайг амьсгалуулаач!

Аяа Диваажин, Аяа Бурхан минь Сонсогтун! Аяа Сахиулсан Тэнгэрүүд ээ Өргөж хайрла!

Төгс Гэгээрсэн Их Багш Чин Хай (веган)-н энэ болон бусад олон шүлгийг үнэгүй татаж авах хаяг SupremeMasterTV.com/Poems & SMCHBooks.com

Ай, ухаан санаа, сэтгэл зүрхийг үнэхээр их сэргээж, хуучнаа жаахан санагалзахад хүргэлээ. Энэ шүлгийг би бичсэндээ биш маш сайхан байсан учраас л тэр юм. Энэ шүлэг олон үзэгчид, тэр дундаа миний халамж дор байдаг Бурханы шавь нарт хандсан болов уу. Заримдаа би мартаад, эсвэл хэрхэн илэрхийлэхээ мэдэхгүйгээс “миний шавь нар” гэчихдэг ч угтаа тэд бүгд Бурханы шавь нар. Би бол тэдний зүрх сэтгэлд Бурханаас аль хэдийнээ заяасан зүйлийг нь л холбож өгөх даруу нэг хэрэгсэл юм. Хэдий энэ шүлгийг би өөрөө бичсэн ч сэтгэл маш их хөдлөөд байна. Гэхдээ олон арван жил болчхож. Цаг хугацаа их хурдан өнгөрчээ. Одоо л би цаг хугацаа минь ямар их үнэ цэнтэйг ойлгож байна. Яагаад гэвэл миний хийж чадах, хийж чадсан, цаашид ч өөрийн цагаа ашиглан, хийж чадах олон зүйл бий. Тэгээд л надад маш бага хугацаа байна даа гэж санагдсан хэрэг.

Хэдийгээр энэ шүлгийг би өөрөө бичсэн ч гэсэн намайг үнэхээр сэрээж сэхээрүүллээ. Сая сонссон шүлгийнхээ зарим хэсгийг нь одоо ч санаж байна. Сонсоогүй байхдаа мэдэж байсан ч өнгөрснөө дурсан санах цаг завгүйгээр дэлхийн ирээдүйн төлөө одоо цагт л оршин байж. Үүнд би анхаарлаа, цаг хугацаа, эрч хүчээ дэндүү их зарцуулжээ. Бүхнийг Чадагч Бурхан болон бүх цаг үеийн, бүх зүгийн Будда, Гэгээнтэн Мэргэдээс надад даалгасан ажлыг үргэлжлүүлэхийн тулд би өөрийгөө, эрч хүчээ үргэлжид шинэчилж сэргээж байх хэрэгтэй байдаг.

Тэр шүлгийн зарим илэрхийлэмж сэтгэл зүрхийг минь хөдөлгөж, сэргээдэг хэвээр. Юу гэхээр сэтгэл хөдлөл, хүсэл мөрөөдлийг минь дахин амьдруулах шиг боллоо. “Би өөрөөрөө л оршиж, өөрийн дуртай зүйлээ хийх юм сан. Бусад хүнд галзуу, тэнэг санагдлаа ч би дуртайяа хийнэ дээ.” гэж бодлоо. Бас “Сарны гадаргуу дээр мөрөөдлөө биелүүлнэ дээ, Нартай хамт мандана даа.” гэж санасан. “Зэрлэг цахирмаа цэцгийн навчин дээр шүлгээ тэрлэж, өвсний ширхэг дээр зурна.” Шүлэг бичлээ ч хэвлэгдэнэ үү, үгүй юү, эсвэл цахирмаа цэцгийн навчин дээр үлдэнэ үү хамаагүй, зоргоороо, бодох зүйлгүй эрх чөлөөтэй байна гээд төсөөл дөө. Цахирмаа цэцгийн навч ямар жаахан, ямар эмзэг билээ дээ. Харин шүлгээ түүн дээр бичээд Орчлон ертөнцөд, Бүхнийг Чадагч Бурханд өргөн, холбогдсон, холбогдоогүй бүх хүнд зориулж, таашаах, таашаахгүйг ч үл хайхран гагцхүү хүссэн учраас л бичнэ гээд төсөөл дөө.

Бас өвсний ширхэг дээр зурна. Тэр хэчнээн удах вэ дээ? Гэхдээ энэ бол ямар ч төлөвлөгөө, зохион байгуулалт, ирээдүйн тогтсон яг таг зохицуулалтгүй, хэн нэгэн үүнийг үзэж харна ч гэж бодолгүй зоргоороо амьдрах мөрөөдлөө илэрхийлсэн шүлгийн илэрхийлэмж, мөрөөдөл минь юм. Хүссэн учраас л хийнэ гэсэн үг. Бас л сайхан шүү. Намайг энэ бодол сэргээж, нулимс унагахад хүргэлээ. Яагаад гэвэл энэ бол миний энэ дэлхийд цогцлоохыг хүссэн амьдрал. Би үүний төлөө ажилласаар, үүний төлөө тэмцсээр байна.

Та нар Дэлхийн ойрын үеийг, тухайлбал 2022, 2023 оныг зөгнөсөн бошгуудыг сонсож байсан. Ялангуяа одоо бүр ч чанга, тэр тусам 2024-2027 он бүр чанга. Дэндүү их үймээн самуун, дэндүү их гай гамшиг, дэндүү их гаслан зовлон, өвчин тахал гарч байна. Шинэ гамшиг болж, өвчин гарч, эсвэл бидний давж гараад ардаа орхисон доо гэж бодож байсан хуучин өвчин дахин дэгдэж, үхлийн аюултай аймшигт цар тахал болж тархаж байна.

Media report from The Economic Times – Sept. 26, 2023, Nivedhana Prabhu: Х өвчин дэгдэж магадгүй. Британийн эрүүл мэндийн мэргэжилтнүүд КОВИД-19-өөс ч илүү үхэлд хүргэж болзошгүй, Испанийн ханиадтай ижил төстэй нөлөө үзүүлж болзошгүй “X” өвчинд бэлдэж байна. ДЭМБ-аас Х өвчнийг ямар ч эмчилгээгүй шинэ үүсгэгч, вирус, нян, мөөгөнцөр байж болно гэж үзэж байгаа ажээ. Анхааруулга гаргасан мэргэжилтэн Кэйт Бингхам хэлэхдээ энэ вирус нь КОВИД-19-өөс 20 дахин илүү хор хөнөөлтэй байх боломжтой гэлээ.

Excerpt from “Top Hong Kong scientist sounds alarm on next pandemic” by AFP News Agency – July 21, 2024, Dr. Yuen Kwok-yung: 1918 онд дэгдсэн Испанийн ханиаднаас болж 100 орчим сая хүн амь насаа алдсан. Энэ удаад магадгүй 400 сая хүн амь үрэгдэх байх. Энэ бол үнэхээрийн аймшигтай тоо.

Excerpt from “This Prophet Actually Predicted Trump’s Assassination Attempt 3 Months Ago” by Capturing Christianity – July 15, 2024, Cameron Bertuzzi: Ерөнхийлөгч Трампын амь насанд халдах оролдлогыг хэдэн сарын өмнө маш нарийн зөгнөн хэлсэн байсан гэвэл та бүхэн итгэх үү? Гурван сард Брандон Биггс гэх нэг залуу саяхан болсон явдлыг маш нарийн зөгнөн хэлсэн байжээ.

Reverend Brandon Biggs: Би Трампыг босож байхыг харсан. Тэгээд түүний амь насанд хүрэх оролдлого болохыг харж, энэ сум нь түүний чихний хажуугаар өнгөрч, толгойд нь их ойртсоноос болж, хэнгэргийг нь хагалсан.

Эзэн Бурхан надад нэг халдвар тархаж, 350 сая хүн амь үрэгдэхийг харуулсан. by Last Days – July 4, 2024, Reverend Brandon Biggs: Өнөөдөр таагүй мэдээ дуулгах нь, мөн... та бүхнээс тэвчээртэй байхыг хүсье. Үүнийг даван туулахад минь Ариун Сүнс Та туслах болтугай. Эзэн Бурхан намайг авч яваад харуулсан зүйл дээр амьдрал 2020 оныхоос ч дор, ойлгохын аргагүй байдлаар зогсож, бүрэн хөл хорио тогтсон байв. “Одоо болох гэж байгаа зүйл олон зуун жилийн турш огт болж байгаагүй.” гэж Тэрээр хэлсэн. 1300-аад оны үед болсон Хар Үхэл үүний хажууд юу ч биш. Гарт тарих ямар ч эсэргүүцлийн- юм байхгүй. Юу ч байхгүй шүү. Үүнийг зогсоох юу ч байгаагүй. Энэ зүйлийг туссан хэн ч бай өөд болж байлаа. Тэгээд би дэлхий даяар 350 сая хүн амь үрэгдэхийг харсан. Тэгээд АНУ-ын дээр “30” гэсэн байхыг харсан.

Одоо би сэтгэл хөдлөл ихтэй байх шиг байна. Өөрийгөө сайн илэрхийлж чадахгүй байгааг минь өршөөгөөрэй. Би өөртөө болон та нарт ийм зүйлийг мөрөөдөж байна. Би үүнийг биелүүлэх сэн гэж хүсэж байна. Надтай хамт тэмцээрэй. Надтай хамт тэмцэгтүн. Зэр зэвсэг хэрэггүй. Ялахын төлөө хэн нэгнийг хөнөөх шаардлагагүй. Өөрийгөө ял. Өөрийгөө л ялах хэрэгтэй.

Аллага үйлдэх бүх зүйлээ л орхичих. Тийм байдлаар алагдахыг хүсээгүй л бол хөнөөхөө боль. Тэгээд л боллоо. Их амархан. Бурханы өмнө гэмээ наманчил. Нэг л өдөр хамтдаа, эсвэл хойд насандаа Диваажин руу хамтдаа явахын тулд эрс өөрчлөгдье гэж өөртөө андгайл. Бурханаас надад хайрласан эрхийн дагуу та нарт зориулан бүтээсэн Диваажингийн Гэртээ би та нарыг дуртайяа хүлээн авахаар хүлээж байх болно. Миний Гэр Дэлхий дээр биш, харин хэзээ ч сүйтгэгдэхгүй Диваажинд оршин байгаа. Тэнд өөрийг тань хэзээ ч хороохгүй, дарамтлан доромжлохгүй, ямарваа нэг байдлаар хэзээ ч дарлахгүй. Яг л миний залуудаа бичсэн тэр шүлэгт гардаг мөрөөдөл шиг өөрийнхөөрөө амьдрах болно.

Photo Caption: Ариун Амьдралд Хам Талархацгаая!

Зураг татаж авах