Төгс Гэгээрсэн Их Багш Чин Хай (Веган) махны хорт үр дагаврын тухай, 5-р хэсэг – Амьтан Нөхдөдөө хандах Харгислал

Бид Бурханы бүтээлч төлөвлөгөө дөх бүх амьд оршихуйг хүндэтгэдэг. Бүх амьд бие зовлон шаналал, бас үхлийг эсэргүүцдэг гэдгийг бид өөрсдөөсөө харж болно. Иймд бид амьтдыг алах юм уу алж байхыг харахад тэд зовж шаналан, зугтахыг оролдож байдаг шүү дээ. Энэ нь Бурхан тэдэнд амьдрахыг хүсэх зөн билиг олгосон гэсэн үг юм. Иймд бид тэдэнд амьдрахад нь саад тотгор учруулах юм уу амийг нь хүчээр авбал Бурханы таалалд оролцож буй хэрэг билээ. Бид өөрсдөдөө яаж хандуулахыг хүснэ, бүх төрөлтөнд тэгж хандах хэрэгтэй. Тэгвэл бидний амьдрал ивээл нигүүлсэл, урт удаан нас, билиг оюунаар адислагдах болно.

Гэвч тэд яагаад амьтдыг маш их, маш их зовоож, шаналгах ёстой гэж? Энэ тухай та бүхэн мэдвэл нүднээс тань нулимс урсана. Би маш их цочирдсон. Би унтаж чадаагүй. Бүх зүйл түр зуурынх, хуурмаг гэдгийг би мэднэ л дээ. Гэхдээ тухайн үед зовж буй төрөлтөнд энэ бол хий хоосон зүйл биш юм. Энэ бол жинхэнэ зовлон. Тэдний хийж буй арга зам тун хүнлэг бус, маш ёс суртахуунгүй. Энэ бол аймшигтай. Тиймээс бид үүнтэй орооцолдоогүй нь сайн хэрэг. Бидний ухамсар цэвэр. Бид зөвхөн хоолны төлөө амьдардаггүй. Бид ухамсрын төлөө, сайн сайхныг мэдэрч, аз жаргалыг мэдэрч, бас хүн бүрд аз жаргал авчран амьдрах ёстой. Хаанаас ирсэн, хэрхэн энд байгааг нь бодолцохгүй бүх зүйлийг зүгээр л залгиж, хувиа хичээх биш юм.

Өнөө цагт тэд бүгдийг нь үйлдвэрт байлган, бүх төрлийн эм, заримдаа хор, эсвэл антибиотик гэх мэтийг хүчээр уулгаж, эсвэл тэдний гаргаж чадахаас илүү их сүү үйлдвэрлэхийн тулд үнээнүүдийг хүчлэн, юу ч хамаагүй хийж байна. Заримдаа тэд зогсож чадахгүй болтлоо тийм их сүү саалгадаг. Тэдний яс нь өгөршиж, бас хэврэгшин, хугарсан байдаг. Энэ бол харгислалаас хэтийдсэн зүйл. Ердөө шуналын төлөө.

Тэд давчуу үйлдвэрт дахин зогсож, нядлуулахаар ангилагдахын тулд цахилгаанаар чичлүүлж, өшиглүүлсэн ийм нөхцөлд амьтад яаж зовж байгаа талаар бид бодож үзвэл... Зарим тугал ердөө зогсоогоороо, сул дорой байдалтай, гэрэл болон бүхнээр гачигдан байдаг. Зүгээр л махыг нь зөөлөн бөгөөд цагаан байлгахаар тэднийг насан туршид нь ингэж амьдруулж, тэгээд нядалдаг. Иймэрхүү харгис байдлыг үргэлжлүүлэн дэмжих зүрх сэтгэл бидэнд яаж байх билээ дээ?

Тэд мал, амьтныг нядалгааны газар руу чирэх үед амьтад үнэнээсээ чарлаж орилдог. Тэднийг чирээд явдаг. Тэд явахыг хүсдэггүй. Тэд тэндээ үлдэхийг оролддог. Тэд ойлгодог юм шүү дээ. Бэлчээрт гаргахаар тэднийг авч явахад тантай ямар ч асуудалгүй хамт явчихдаг. Харин нядалгааны газар руу авч явахад ... Хүмүүс юу гэгчийг хийдгийг надад ярих хүсэл алга. Аймшигтай, үхэхийнх нь өмнө хүмүүс яадаг билээ дээ.

Энэ аймшигт явдал аж ахуйн үйлдвэрийн ард, алан хядлагын байрны хананы цаана болдог. Би үүнийг нядалгааны газар биш, “алан хядлагын байр” гэж нэрлэнэ. Энэ алан хядлагын байрны хаалганы цаана айдас хүргэм явдлууд үргэлжилсээр байна. Эсвэл загасчилдаг алан хядлагын завь, цусанд будагдсан халим агнуурын завин дээрээс үүнийг өөрсдөө нүдээрээ хардаг... Амин зуулгын төлөө тэд яаж үүнийг хийж чадаж байна вэ?

Амьтдыг харгисалж буй энэ дүрс бичлэгүүдийг өөрсдийгөө хүчлэн байж үзээд бид айж мэгдэн, бие арзайж, нүд маань далдиран, уйлж, орь дуу тавьдаг. Бид хар дарж зүүдэлдэг. Үхэр гахай, тахиа хоолойгоо огтлуулаад, цусаа урсган үхэж байгааг бид харж чадахгүй.

Элгээр нь нухаш хийдэг галууг хүчээр таргалуулж байна. Мөн нялх тугалыг зөөлөн махтай байлгахын тулд зориуд тэжээлийн дутагдалд оруулан, үлдсэн ахархан амьдралд нь ямар ч хөдлөх аргагүй болгон, хөдөлгөөнгүй хорьдог. Нялх дэгдээхэйнүүдийг мөн аймшигтай хувь тавилан хүлээж байдаг бөгөөд эмийнх нь зөөлөн хошууг огтлохоор хөлөөс нь дүүжилж байхад эрийг нь амьдаар булах юм уу боож алж байна. Дуусашгүй зовлон, айдас хүйдэстэй гахайнууд. Тэд хэчнээн ухаантай, хайр татам, цэвэрч амьтад билээ дээ. Гэвч тэднийг өвдөг шүргэсэн бохир заваан ялгадас дотор нь хүчээр зогсоож, ялгадасны бохир үнэрт солиортол нь байлгадаг. Мөн хонинууд олон мянган бээрийн цаанаас ачигдан, ясаа гэмтээсээр алан хядлагын байранд хүргэгдэн ирж байна. Бид үүнийг харахыг хүсдэггүй. Яагаад гэвэл бусдыг гэмтээн, зовлон учруулж, тарчлаан тохуурхах нь бидний төрөлх чанар биш юм.

Бурхан биднийг зэрэгцэн амьдрах амьтадтайгаа ингэж амьдар гэж төлөвлөөгүй шүү дээ. Бурханы хүүхэд болохын хувьд энэ бол бидний явах зам биш. Бид үүнийг хийснээр үнэхээр хууртагдаж, өөрсдийгөө ийм түвшинд хүргэн, унагаж байна.

Хэдийгээр бид энэ аллагад шууд оролцдоггүй ч мах, сүүн бүтээгдэхүүн, бүр загас идэхэд аллагын хариуцлагыг үүрэлцэнэ. Өндөгийг хүртэл маш хэрцгий байдлаар гаргаж авдаг. Сүү, өндөг бүгдийг нь маш харгисаар бэлтгэдэг шүү дээ. Хүмүүс бид гэм зэмгүй, хор хөнөөлгүй амьтдад ямар харгис, аймшигтай ханддагийг төсөөлөхөд тун бэрх. Бүр ийм жижигхэн өхөөрдөм, сөөвгөр дэгдээхэйд хүртэл шүү.

Хүмүүс гэм зэмгүй, хоргүй, сул дорой амьтадтай яаж харьцаж байгааг хармаар байвал Суприм Мастер Телевизээс энэ бүх мэдээг олж авч болно. Бүр загасыг хүртэл маханд зориулж мөн адил бусармаг байдлаар барьж бэлтгэдэг. Бид загас идэхгүй байвал зохино. Мал аж ахуйн салбарын үгээр илэрхийлэхийн аргагүй бусармаг үйл явцын аль ч шатанд оролцсон бай, бид амьтдыг шууд бусаар, санаатайгаар хөнөөсний үйл лайг үүрэлцэнэ. Үүнийг шууд хэлсэнд уучлаарай. Бид аллагыг, үр дагаврыг нь үүрэлцэх болно.

Зарим хүмүүс хэрвээ та махнаас зайлсхийж чадахгүй бол хөнөөлгөсөн гэдгийг нь мэдэхгүй, амьтад алуулахдаа орилж, хашхирч байгааг нь сонсоогүй тийм гурван төрлийн цэвэр мах идээрэй гэж хэлдэг. Бурхан минь, амьтдын хашхиралдахыг сонсохоор та хаашаа явах нь вэ? Танд тусгайлан зориулж алаагүй мах - мэдээж тэд танд тусгайлан зориулж алаагүй. Тэд хэсэг махан дээр “энэ бол ноён Смитийнх” гэж бичдэггүй. Үгүй шүү дээ, мэдээж үгүй! Тэднийг хаа нэгтээ таны хараа хүрэхгүй газар алсан байдаг. Хэрвээ та идэхгүй бол тэр хүмүүс алахгүй шүү дээ. Энэ бол тун энгийн.

Бид хөтөлбөрөө Төгс Гэгээрсэн Их Багш Чин Хайн “Та өөрөө байна гээд төсөөл дөө!” хэмээх эхийг нь англи хэл дээр бичсэн, өр өвдөм шүлгээр өндөрлөж байна.