Дэлгэрэнгүй
Татаж авах Docx
Дэлгэрэнгүй уншаарай
Тиймээс таныг ядаж сэтгэл санаагаар дэмжих гэж Европ Оростой харилцаагаа таслах шийдвэр гаргасан нь үнэхээр түүхэн үйл явдал байсан юм шүү. Энэ нь тэдний хувьд үнэхээрийн биширмээр зүйл. Учир нь энэ нь тэдний хувьд ихээхэн үнэ цэнээр хийгдсэн зүйл. Тэгээд Оросоос хараат байсан бүх шатахуунаа орлуулах гэж зүтгэж байлаа. Тэгэхээр энэ бүхний тухай ярихад энэ хорвоод бид бүгд бие биеэсээ хамааралтай амьдарч байгааг тодхон харж болно.Бас нэг зүйлийг би та бүхэнд үнэнээр нь хэлэхэд Америкийн дэмжлэггүйгээр, Ерөнхийлөгч Трампгүйгээр та эх орондоо хэзээ ч, хэзээ ч, хэзээ ч амар амгалан байж чадахгүй. Эх орноо ч алдаж магадгүй. Учир нь Европ дайнд бэлэн биш байсан. Тэд танд ямар нэгэн зэвсэг өгөхөд маш хэцүү байсан. Та өөрөө ч мэдэж байгаа. Танай оронд ямар нэг юм өгөх гэж намуудын хооронд, хүмүүсийн хооронд маш их маргаан, маш их асуудал болсон доо. Өгөх нь ч нэг их биш. Танай улсад ямар ч хамаагүй аргаар туслахын тулд зэвсэг, хөрөнгө мөнгөө асгадаг америкчуудынх шиг хүчирхэг биш. Өөрсдийнх нь иргэд хүртэл та нарын хамт тулалдахаар ирсэн. Гэтэл Европоос хэн нэгэн ирж тулалдсан уу? Бүр сайн дураараа ч гэсэн? Магадгүй байсан л байх. Гэхдээ цөөхөн. Би өөрөө үүнийг интернэтээс уншаагүй. Танай улсад сайн дураараа ирж, та нартай, танай ард түмэнтэй хамт тулалдсан зарим америкчуудын тухай уншсан. Шархадсан, дайны улмаас тахир дутуу болсон, эсвэл алга болсон, амь насаа алдсан гээд.Америкчууд үүнийг үргэлжлүүлж чадахгүй. Ерөнхийлөгч Трамп хүртэл санхүүгийн болон зэвсгийн дэмжлэгээр танд үргэлжлүүлэн туслахыг хүсэж байгаа ч Тэр үүнийг хийж чадахгүй. Учир нь Тэр эх орныхоо өмнө хариуцлага хүлээх ёстой. Тэр яахаараа татварынхаа бүх мөнгийг тэдэнтэй ямар ч холбоогүй үндэстэнд зарцуулах ёстой юм бэ? Алс хол Европ тивд байдаг. Тэгээд Америкт төдийлөн ач холбогдол ч байхгүй шүү. Тиймээс тэдний танайхны төлөө хийсэн бүх зүйл аль хэдийн асар их өгөөмөр юм шүү. Гэвч өөрсдийнх нь хүч чадал, санхүүгийн тогтвортой байдал шавхагдаж байна. Тиймээс Ерөнхийлөгч Трамп яг одоо танд бүх зүйлийг өгч, Америкт тусгүй ямар ч зүйлд гарын үсэг зурж чадахгүй гэдгийг та мэдэж байх ёстой. Эх орныхоо ард иргэдэд хариулж чадахгүй.Та Түүнтэй хамтран ажиллах ёстой. Өгөө аваа байх ёстой. Та Америкийн зэвсэг, санхүү, дэмжлэггүй байнгын байдалд ганцаараа үлдэхийг илүүд үзэх үү? Та Европтой хэлэлцээр хийхийг хүсэж байна уу? Ээ дээ, гуйя. Европчуудад танай улстай хамт ажил хэрэг явуулах хангалттай техник хэрэгсэл, хүн хүч, туршлага байгаа эсэхийг би мэдэхгүй. Тэгээд ч тэр ашигт малтмалын гэрээ байлаа ч биелүүлж чадахгүй л болов уу. Үгүй ядаж тийм их хурдан биелүүлж чадахгүй. Тэр үед танай улс аль хэдийн алга болсон байж мэдэх юм.Дайны эхний үед НАТО танай улсад туслаагүйд би гайхсан. Тэд танай улсын төлөө юу ч хийхийг хүсээгүй. Бүр хамгаалалтыг тань хумьж хязгаарлаж байлаа. Нислэгийн хориотой бүс ч гаргаж өгөөгүй. Энэ хооронд Орос улс Европын бүх улстай хиллэдэг нутгийг тань залгисан шүү дээ. Улс төрийн тавцанд байдаггүй хөдөөгийн жаахан эмэгтэй би өөрийгөө эрсдэлд оруулан байж, тэдэнд хэлэх ёстой болж байна. Иймд дан ганц Европт найдаж болохгүй. Тэд сайхан санаатай, сайн хэдий ч тэдэнд биетээр болон санхүүгийн хувьд ямар нэгэн байдлаар өөрсдийгөө туйлдуулахгүй урт хугацаанд танайд туслах хангалттай хүч, тоног төхөөрөмж байгаа эсэхийг би мэдэхгүй.Европын ард түмэн, Европын ихэнх улс орон ч бас энх тайвныг эрхэмлэгч улсууд. Ганц хоёр улсын галзуу хүмүүсийн эхлүүлсэн дэлхийн I, II дайныг эс тооцвол тэд дайтах гэдэггүй. Гэвч Европын ихэнх орон, тэр дундаа удирдагчид нь муу байсан ч дайныг хүсэхгүй байгаа. Хэн ч дайн хийхийг хүсдэггүй. Тэгэхээр тэд яг одоо, дайн эхэлснээс хойш танай иргэд шиг та нартай хамт үхтлээ тулалдах сэтгэлгээтэй биш. Тэдэнд байгаа бүхнээ дайнд оруулах тийм сонирхол байхгүй. Танай улсын яг одоогийн байдал шиг тэмцэгч сэтгэлгээгүйгээр тэд ялж чадахгүй. Тэд ялж чадахгүй. Тэгээд танай улс ганцаараа үлдчихээд эх орон тань үгүй болно. Тэгвэл энэ нь таны хувьд үхэх хүртлээ тээх хамгийн гуниг зовлонтой зүйл байх болно.Гурван жил дайтсаны дараа ямар их зовлонг туулаад байгаа билээ? Гэтэл одоо Европ хүчээ үзүүлэхийг хүсэж, Америкаас илүү найз гэдгээ харуулахыг хүсэж. Тэд танай улсыг хэр удаан дэмжиж чадах вэ? Бодоод үз. Тэднийг бас буруутгах аргагүй. Европчууд дөнгөж дайнаас салаад амьсгаа авч, газар нутгаа буцаан босгож, энх тайванд байдалд хөгжиж дэвжин, сайхан байсан. Зүгээр л өөр нэгэн хүссэн болохоор хүчээр дайнд орж, амь насаа золиослох нь тэдний хувьд шударга бус.Нийт улс орны сайн сайхан байдал, дэлхийн энх тайвантай харьцуулахад нэг хүний бардам зан юу ч биш. Тиймээс гуйж байна, дахин бодолцож, Ерөнхийлөгч Трамптай эвлэрэн, чин сэтгэлээ Түүнд ойлгуулж, анх зөвшилцсөн гэрээндээ гарын үсэг зураарай. Энхийн хэлэлцээрийн тэрхүү гэрээнээсээ бүү буц. Хэрэв танай улс америкчуудтай байнга хамтран ажиллаж, америкчууд танай улсыг сонирхон, бизнес эрхлэх аваас Орос улс танай орныг тайван орхих магадлал өндөр байна гэсэн үг. Тэд Америктай дайтаж зүрхлэхгүй. Үүнийг бодолцоорой. Энэ бол өчүүхэн миний бодол. Гэхдээ энэ учир зүйтэй шүү. Гуйя,бодолцоорой. Өөрийгөө мартагтун. Улс орондоо та ерөнхийлөгч, баатар нь байлаа ч хамаагүй таны эр зориг, улс орноо хамгаалах хүсэл зоригийг биширч, би бүр танд Гэрэлт Дэлхийн Эр зоригийн шагналыг хүртээх санал хүргүүлсэн ч гэсэн бид угтаа юу ч биш юм шүү, ерөнхийлөгч Зеленський. Бид юу ч биш. Бид юу ч үгүй төрсөн, юу ч үгүй үхнэ. Бусдын төлөө л амьдрах учиртай. Хэчнээн их асуудал гарлаа ч, бидний бардам сэтгэл, би гэх үзэл хэчнээн их өвдсөн ч бид бусдын төлөө амьдрах учиртай.Бид илүү өндөр албан тушаалд байх тусмаа илүү даруу байх учиртай. Ялангуяа чухал цаг үед, бусдад үйлчилж, бидний хувьд эрхэм хайртай бусдынхаа амийг аврахын төлөө бардам зангаа мартах учиртай. Тиймээс гуйя, агуу хүн бай, бардам сэтгэлээ хянаж, би гэх үзлээ хянаж, зөвхөн улс эх орноо, бас дэлхийн энх тайвныг бодоорой. Гуйя, гуйж байна, бүх хүүхдүүд, улс орныхоо болон Орос улсын бүх сул дорой, гэнэн, эмзэг эмэгтэйчүүдийн төлөө тэгээрэй. Гуйя, дайснаасаа дээр бай. Хүүхдүүд тань бишрэх, улсын тань иргэд талархах агуу нэгэн бай, Бурханы сайн хүү, сайн хүүхэд бай. Бурхан хэзээ ч ямар ч дайныг хүсдэггүй. Та бол Бурханы хүүхэд, Бурханы хүүхдүүдийн нэг. Гуйж байна, энх тайвныг тогтоогоорой.Та хоёроос, та нараас бүгдээс тань, дэлхийн удирдагчдаас гуйх нэг зүйл байна, гуйя, нэн даруй веганизмын тогтолцоог бий болгоно уу. Дэлхийн амар амгалан амьдралын мөч бүхэнд аллага үйлдэгдэж, дайн болж байдаг бүх нядалгааны газруудыг устгаарай. Алив амьтан-хүн дээр бууж буй нядлагчийн жижиг хутга бүр дэлхийн энх тайвнаас хэмлэн хороож байдаг. Шууд үйлчлэхгүй байж болох ч хуримтлагдсаар ахин дайн дэгдээдэг. Тиймээс гуйж байна, Эрхэмсэг ноён Агуу Ерөнхийлөгч Трамп болон Урейн хэмээн миний нэрлэдэг Украин улсын Эрхэмсэг ноён Эрэлхэг ерөнхийлөгч Зеленський, Та бүхэн дэлхий дээр өөр хоорондоо энх тайвныг тогтоож, амьтан-хүмүүстэй бас энхийг тогтоогоорой.Маш олон амьтан-хүн гэгээлэг төрөлтөн байдаг. Энэ дэлхийд амар амгалан, хайрыг авчирч байдаг бясалгагч иогчид байдаг. Амьтан-хүмүүс хэрхэн нэгэндээ тусалж байгааг тэдний тухай баримтат кинонуудаас харж болно. Өөр өөр зүйлийн амьтан-хүн хэрхэн амь биеэ үл хайхран хүмүүсийг аюултай нөхцөл байдлаас аварч байдаг гээч. Тэдний олон жишээ байхад хүмүүс хараад дуурайж ч чадахгүй бол тун ичгүүртэй.Агуу хүн байгаарай. Агуугаас ч агуу ерөнхийлөгч байгтун. Зөвхөн өөрийнхөө ард түмний биш, зөвхөн дэлхийн хүмүүсийн баатар байх биш, харин бусад төрөлтний, амьтан-хүмүүсийн, ой моддын ч гэсэн баатар байгтун. Дэлхийн иргэдийг харж хамгаал, амьтан-иргэдийг хамгаал, зөвхөн сайн сайхныг өгч байдаг ой-иргэдийг хамгаалаарай.Photo Caption: Хайр, Итгэл Найдвар Тээн Хавар Үргэлж Эргээд Ирдэг
