Арьяабалын бясалгагчид чин сэтгэлтэй, хичээнгүй байдгийг харгалзан энэ тодорхой бус цаг үед Арьяабалын Аргаар хамгаалагдахын тулд тэд үнэхээр адислагдсан байдаг.

Эрхэм Төгс Гэгээрсэн Их Багш Чин Хай, Сар шинийн баяраар (Дотоод Диваажингийн) Гэрэл дээр бясалгахад тохиолдсон нэгэн дотоод ахуй ойлголтоо би өгүүлмээр байна.

Бямба гараг (2-р сарын 5) -т (Дотоод Диваажингийн) Гэрэл дээрх бясалгалаа дуусгаад оройн 23 цагийн орчимд би унтахаар хэвтэж байлаа.

Би унтсаны дараа хэсэг хугацаанд нүдний өмнө гурван КОВИД-19 вирус эргэлдэж байхыг харав. Тэд хар, нүдтэй, олон амтай байв; тэд миний урд нисэж ирээд "Бид хүмүүсийг хөнөөх гэж байна." гэж хэлсэн.

Тэр үед би Их Багшийн лекцийг цацаж байсан зурагтаа унтраачихсан байсан. Давстай усаар зайлж, цагаан гаатай ус уусан байсан ч гэсэн миний хоолойд вирус орж, хоолой хатаж, өвдөж байгааг мэдэрсэн.

Үүний дараа би дахиж унтсангүй. Би нүдээ нээгээд хартал вирус хоолойноос минь гарч ирэн "Сэрээд бясалгал хий, тэгвэл би чиний амийг өршөөнө." гэж хэлсэн.

Тэр үед мөн миний авшигтан ээж КОВИД-19-ийн халдвар авсан байсан. Тэр эмнэлэгт хэвтэх үед эмчийн хэлснээр вирус хэдийнээ уушгинд нь орж, амьсгаа нь бөглөрч байсан. Эмч түүнд хүчилтөрөгч өгч, дараа нь байгалийн агаараар амьсгалуулсан. Ээж маань одоо сайжирч байгаа ч эмнэлгээс гараагүй байна.

Хожим нь КОВИД-19 вирус надад "Би хүмүүсийг хөнөөхөөр өөр газар руу нисэж байна" гэж хэлсэн

Би өөрийн нүдээр харсан болохоор энэ бол үнэн түүх. Арьяабалын Арга нь үнэхээр гайхамшигтай бөгөөд КОВИД-19 вирусийг дарсан гэдгийг би мэдэрч байна. Би одоогоор эрүүл байна.

Юуны өмнө надад бясалгал хийхийг сануулсан КОВИД-19 вируст баярлалаа.

Хоёрдугаарт, намайг хамгаалж байгаа арван зүгийн бүх Будда, Бодисадва нартаа талархмаар байна. Төгс Гэгээрсэн Их Багш Чин Хайдаа Таны Адислалд талархлаа илэрхийлье. Миний хайрт Их Багш Танд би хязгааргүй талархаж байна. Хүндэтгэсэн, Хунг Тха Ау Лак (Вьетнам) улсаас

Талархалтай Хунг Тха, Таны зүрх сэтгэлд бид талархаж байна. Их Багш танд ийм эелдэг хариу өгч байна:

“Ухаантай Хунг Тха, миний хэлж байсан зүйл үнэн гэдгийг та одоо мэддэг боллоо. Үүнийг хуваалцсанд баярлалаа, ингэснээр бусад хүмүүс ч бодит байдлыг харж чадна. Арьяабалын бясалгагчид чин сэтгэлтэй, хичээнгүй байдгийг харгалзан энэ тодорхой бус цаг үед Арьяабалын Аргаар хамгаалагдахын тулд тэд үнэхээр адислагдсан байдаг. Хүн бүр хурдан сэрээсэй гэж залбирцгаая, ингэснээр хэрэв бид сэрэхгүй бол ирэх байсан бүр илүү аймшигтай үйлийн үрийн хор уршгийг манай гараг даван туулах шаардлагагүй болно. Ойр орчныхондоо веганизмын талаарх мэдээллийг хуваалцаж, тэднээс Веган Дэлхийн төлөө өдөр бүр залбирахыг хүсээрэй. Хэтэрхий оройтохоос нь өмнө аль болох олон хүнийг сэрээхэд бид туслах ёстой. Диваажингийн Ивгээл танд болон гайхамшигт Ау Лак (Вьетнам)-т бууж байх болтугай."